धरान उपमहानगरपालिकाका मेयर हर्क साम्पाङले एक युवकलाई आफूमाथि प्रश्न गरेकै कारण प्रहरिमा थुन्न लगाएका छन।
उनीमाथि प्रश्न गरेको भन्दै धरान-१५ का अशोक लिम्बूलाई हिजो शुक्रबार नियन्त्रणमा लिएर प्रहरी हिरासतमा पुर्याएका छन्।
मेयर साम्पाङले धरानमा हरेक शुक्रबार लागु औषधविरुद्ध सचेतना अभियान सञ्चालन गर्दै आएका छन्। यसपटक पनि शुक्रबार अपराह्न उनी आफ्नो टोलीसहित हातेमाइक बोकेर धरान १५ पुगेका थिए ।त्यहाँ पुगेर मेयर हर्कले बोल्दै गर्दा ती युवकले उनलाई प्रश्न गरेका थिए।
ती युवाले मेयरलाई धरानमा मान्छे डेंगीले बिरामी भएको तर तपाईं चाहिँ फोटो खिचाउँदै हिँड्ने? भन्दै प्रश्न गरेका थिए। जवाफमा मेयर साम्पाङ ‘तिमी विरोध गर्न आएको?’ भन्दै पक्रन आदेश दिएका थिए , जुन भिडियो सामाजिक संजालमा समेत छ ।
मेयरको निर्देशनपछि नगर प्रहरीले उनलाई इलाका प्रहरी कार्यालय पुर्याएका थिए। प्रहरीका अनुसार ती युवक अहिले पनि प्रहरी थुनामै छन ।
प्रहरीले भने मेयरको मौखिक उजुरीका भरमा थुनामा राखेको बताएको छ।
