काठमाडौं : बलिउडका चर्चित गायक अरिजित सिंहको कन्सर्ट आज काठमाडौंमा हुँदैछ।
साँझ पाँच बजदेखि बौद्धस्थित हायत रिजेन्सीको चौरमा हुने कन्सर्टको तयारी अन्तिम चरणमा पुगेको छ।
कन्सर्टको आयोजना ग्यारेज इन्टरटेनमेन्ट र एमएन प्रोडक्सनले गरेका हुन्।
बिहान १० बजेदेखि नै टिकट खुला भइसकेको छ भने दिउँसो दुई बजेदेखि गेट खुला गरिने आयोजकले जनाएको छ।
आफ्नो प्रस्तुतिका लागि सिंह काठमाडौं आइसकेका छन्।
आयोजकले कन्सर्टको तीनवटा दरको टिकट मूल्य तोकेको छ। सामान्यतर्फ ६ हजार ५ सय, मध्यम खालकोलाइ ११ हजार र भीआईपी टिकटको दर १९ हजार तोकेको छ।
