अनलाइन मार्फत ठगीका घटना बढिरहदा कन्सल्टेन्सी क्षेत्रमा पनि यस्ता घटना देखिन थालेका छन्। सामाजिक संजाल ईन्सट्राग्राम मार्फत मनास्लु एजुकेसनल सर्भिसको नामबाट पिटीई (PTE) बुक गराउन रकम असुली गरेर फरार भएको व्यक्तिलाइ साइबर ब्युरोले गत फागुन २२ गते पक्रीए पछि उक्त घटना बाहिर आएको हो।
पिडित व्यक्तिको उजुरीका आधारमा ब्युरोले पक्रन सफल भएको हो।
उनीहरुले पिटीई बुक गरिदिने भन्दै वालेट मार्फत पैसा जम्मा गर्न लगाउने र पछि सम्पर्क बिहिन हुने गरेको पाइएको छ। पक्राउ पर्नेको साथबाट बिभिन्न मोडेलका ८ थान मोबाइल सेट ,२३ थान सिम कार्ड र २ थान ल्यापटप बरामत गरिएको छ।
पक्राउ पर्नेमा बाके कोहलपुरका २३ वर्षीय तिरुपति पाण्डे ,बाग्लुङ्गका २० वर्षीय सुबास कडेल ,बाके कोहलापुरकै २० वर्षीय दोमन केसी रहेका छन्। उनीहरुलाई बिदुतीय माध्यम सम्बद्द ठगि कसुरमा मुद्दा चलाएको ब्युरोले जनाएको छ।
