गृहमंत्री रबि लामिछाने सहकारी प्रकरणमा निर्दाेश रहेको एमाले अध्यक्ष केपी ओलीले बताएका छन् ।
मंगलबार धनगढीमा संचारकर्मीसँग कुरा गर्दै अध्यक्ष ओलीले नेपाली कांग्रेसले रविकाे पार्टी आफूसँग नमिलेकाेमा आक्राेश पाेखिरहेकाे बताए ।
ओलीले रवि निर्दोष भएका कारण गृहमन्त्री पदबाट राजीनामा दिनुपर्ने कुनै कारण नभएको बताएका छन् । रवि सहकारी डुबाउने कुरामा लागेका छन्? पैसा उठाउने सञ्चालन हुन्? केही पनि छैन भने कसरी छानबिन प्रभावित हुन्छ?’ ओलीले भने,’ ‘नेपाली कांग्रेसतिर रवि लामिछाने र उनको पार्टी लागेन भनेर रविलाई बदनाम गर्न खोजेको मात्र हुन् ।’
ओलीले अहिले कांग्रेस सत्ताबाट बाहिर निस्किएपछि छटपटीएर बर्बराइरहेकोले त्यसलाई धेरै महत्त्व दिनु नहुने बताए ।
ओलीले भने,’उजुरी दर्ता जसको नाममा पनि हुन सक्छ । उजुरी दर्ता कै विषयमा मन्त्री नहुने हो भने त नेपालमा मन्त्री खाली हुन्छ । संसद् खालि हुन्छ सबै खालि हुन्छ । उजुरी त एउटा लगेर हाल्दिए भइहाल्यो नि ।
ओलीले आफूलाई प्रधानमन्त्रीको इच्छा नभएको टिप्पणी गर्दै प्रचण्ड नै पूरै कार्यकाल प्रधानमन्त्री रहन सक्ने आशय व्यक्त गरेका हुन् ।
