काठमाडौं । युवा उमेरकी डाक्टर प्रतिभा धौभडेल छाउनीस्थित आफ्नै घरमा हिजो मृत अवस्थामा फेला परेकी छन् । उनि जिल्ला अस्पताल धादिङमा कार्यरत थिइन्। डा धौभडेल आफ्नै कोठाको बाथरुममा मृत भेटिएकी हुन् ।
हिजो बिहीबार मृत अवस्थामा फेला परेकी डाक्टर धौभडेलको शव पोष्टमार्टमका लागि त्रिवि शिक्षण अस्पताल महाराजगञ्जमा पठाइएको छ ।
प्रहरीका अनुसार ३४ वर्षीया धौभडेल सलको पासो लगाएर झुण्डिएको अवस्थामा फेला परेकी हुन् । प्रतिभाका श्रीमान पनि डाक्टर नै छन् ।
असार २५ बाट धादिङ अस्पतालमा कार्यरत उनी बिदामा काठमाडौं आएकी थिइन् । घटनाबारे अनुसन्धान भइरहेकाे प्रहरी वृत कालिमाटीले जनाएकाे छ ।
