काठमाडौं । नेपाल आइडल सिजन–२ का विजेता रवि ओडविरुद्ध पक्राउ पुर्जी जारी भएको छ । गायक रबि बिरुद्द जिल्ला अदालत कञ्चनपुरले पक्राउ पुर्जी जारी गरेको हो ।
श्रीमतीले वैवाहिक बलात्कारको जाहेरी प्रहरीमा दिएपछि उनीविरुद्ध पक्राउ पुर्जी जारि गरिएको हो। ओडकी श्रीमतीले चैत २० मा कञ्चनपुरको इलाका प्रहरी कार्यालय झलारीमा जाहेरी दिएकी थिइन् ।
उनीविरुद्ध जिल्ला अदालत कञ्चनपुरले बुधबार प्रहरीलाई पक्राउको अनुमति दिएको कञ्चनपुर प्रहरी प्रमुख एसपी चक्रराज जोशीले जानकारी दिए ।
हाल उनि काठमाडौंमा रहेको बुझिएको छ। कञ्चनपुर प्रहरीले काठमाडौं प्रहरीलाई पक्राउ गरेर पठाईदिन पत्राचार गरिसकेको छ ।
