काठमाडौं । सहकारीको बचत हिनामिनाबारे छानबिन गर्न सात सदस्यीय संसदीय समिति बनाउन प्रतिपक्षसग सहमति भएको छ । उक्त समिति आज अपराह्न बस्ने प्रतिनिधिसभाको बैठकमा घोषणा गरिने बताइएको छ ।
उक्त समितिको कार्यावधि तीन महिनाको हुने एक सांसदले जानकारी दिए ।
प्रमुख सत्तासाझेदार दल नेकपा (एमाले)का तर्फबाट समितिमा दुई सदस्य रहनेछन् । यस्तै, नेकपा (माओवादी केन्द्र) र राष्ट्रिय स्वतन्त्र पार्टी (रास्वपा)का तर्फबाट एक/एक सदस्य रहनेछन् ।
त्यस्तै कांग्रेसबाट दुई र राष्ट्रिय प्रजातन्त्र पार्टी (राप्रपा)का तर्फबाट समितिमा एक सदस्य रहने ती नेताले बताए ।
