काठमाडौँ । रास्वपाका पुर्व महामन्त्री डा मुकुल ढकालले पार्टीले आफुलाई गरेको सम्पूर्ण कारबाही अबैधानिक भएको भन्दै निर्वाचन आयोगमा निवेदन दिएका छन् ।
उनले महामन्त्री ,प्रवक्ता र केन्द्रिय सदस्य समेत नरहने गरि पारिले गरेको कारबाही बिरुद्द आज आयोगमा निवेदन दर्ता गराएका हुन् ।
डा ढकालले पार्टीले आफूलाई पदमुक्त गर्ने निर्णय अवैधानिक भएको र रास्वपाका कुनै पनि निर्णय सदर नगर्न आग्रह गर्र्दै आयोगमा निवेदन दिएको आयोगका सूचना अधिकारी सुमन घिमिरेले बताए । उनले अहिलेसम्म आफू पदमुक्त भएको आधिकारिक पत्र पार्टीबाट प्राप्त नगरेकोसमेत प्रतिक्रिया दिए ।
“संविधानको धारा २६९ (४) र राजनीतिक दलसम्बन्धी ऐन, २०७३ को दफा १८(२०)अनुसार मलाई पार्टीले गरेको कारबाही अवैधानिक छ । कारबाही अवैधानिक भएकाले मेरो हस्ताक्षरबिना पार्र्टीका निर्णय अद्यावधिक गर्न आए नगर्नु त्यो अवैधानिक छ भनेर निवेदन दिएको छु”, उनले भने ।
रास्वपाको केन्द्रीय समितिको बैठकले गत असार २५ गते डा ढकाललाई पार्टी अनुशासनविपरीत अभद्र र पार्टीहितविपरीत अराजनीतिक व्यवहार प्रदर्शन गरेको भन्दै पदमुक्त गरेको थियो ।
