नेपाल क्रिकेट संघ (क्यान) ले नेपाल प्रिमियर लिगको फ्रेन्चाइज खरिदका लागि सूचना निकालेको छ । क्यानले अगस्ट १६ सम्मको समय तोकेर सार्वजनिक सूचना जारी गरेको हो ।
फ्रेन्चाइज खरिदका लागि कम्पनी रजिष्ट्रारको कार्यालयमा दर्ता भएको हुनुपर्ने, भ्याटमा दर्ता र करचुक्ता प्रमाणपत्र अद्यावधिक भएको हुनुपर्ने मापदण्ड तोकिएको छ ।
यस्तै, विदेशी कम्पनीको हकमा नेपाली कम्पनीसँग साझेदारी गरेको हुनुपर्ने र कम्पनी र कम्पनीमा रहेका व्यक्तिहरु विगतमा कुनै आपराधिक संलग्नता नभएको हुनुपर्ने जनाइएको छ ।
दरखास्तका लागि १ लाख रुपैयाँ शुल्क तोकिएको छ ।
