काठमाडौं, २९ साउन । राष्ट्रिय स्वतन्त्र पार्टीका सभापति रवि लामिछानेले भ्रष्टाचारको अनुसन्धानका लागि हदम्याद राख्न नहुने बताएका छन् ।
सिंहदरबारमा सञ्चारकर्मीसँग कुरा गर्दै लामिछानेले जुनसुकै समयमा भएको भ्रष्टाचारको अनुसन्धान हुनुपर्ने बताएका हुन् । भ्रष्टाचार कसुरका लागि पाँच वर्षे हदम्याद स्वीकार्य नहुने उनले स्पष्ट पारे ।
यस्तै लामिछानेले सरकारको सुरुवाती संकेतलाई जनताले मूल्याङ्कन गरिरहेको भन्दै पार्टीले पनि नजिकबाट नियालिरहेको बताए ।
