नुवाकोट । नुवाकोटको तारकेश्वर गाउँपालिका वडा नम्बर ५ मा कल्लेरीमा महिला भवन उद्घाटन गरिएको छ ।
नेपाली महिलाहरू महान पर्व हरितालिका तीजको पूर्वसन्ध्यामा गाउँपालिका अध्यक्ष शिव अधिकारीले भवनको उद्घाटन गर्नुभएको हो । भवन उद्घाटन गर्नुहुँदै अध्यक्ष अधिकारीले प्रेम र समर्पणको पर्व हरितालिका तीजको अवसरमा विशेष शुभकामना प्रकट गर्नुभयो ।
पर्वहरुको संरक्षण र प्रबर्द्धन गर्नु आफ्नो प्रमुख दायित्व भएको भग्दै त्यसका लागि आवश्यक सहयोग गर्दै जाने प्रतिबद्धता पनि अधिकारीले जनाउनुभएको छ ।
