नुवाकोट । नुवाकोटको तारकेश्वर गाउँपालिका तारूकामा लाखेनाच पुन सुरू भएको छ । झण्डै २५ वर्षदेखि रोकिएको हरितालिका तीजको शानको रूपमा रहेको लाखे जात्रा वडा नम्बर २ सातदोबाटोमा पुनः सुरू गरिएको हो ।
आज गाउँपालिका अध्यक्ष शिव अधिकारी अविरलद्वारा लाखे नाचको शुभारम्भ भएको हो। अध्यक्ष अधिकारीकै अग्रसरतामा लाखेनाजको पुर्नउत्थान गरिएको हो । संस्कृति झल्काउने कामको पुर्नउत्थानसँगै स्थानीय हर्षित भएका छन्।
पहिलो उक्त स्थानमा ठूलो जात्रा लाग्ने गरेको स्थानीयले बताएका छन् । मेला भर्न छिमेकी जिल्ला धादिङ, रसुवा, काठमाडौंबाट मानिसहरू तारूका पुग्ने चलन थियो । युवाहरु बिदेशिने क्रम बढेसँगै यो मेला हराएको थियो ।
तीजको दिन ब्रत बसेका महिलाहरु त्रिशुली नदीमा स्नान गरी तारुकाघाटमा रहेको महादेबको मन्दिर दर्शन गर्दै फर्केर जाने क्रममा सातदोबाटोमा लाखे नचाउने मेला लाग्ने चलन रहि आएको छ ।
