काठमाडौं । काठमाडौंको एकान्तकुनामा रहेको कल सेन्टरमा प्रहरीले छापा मारेको छ ।
अवैध कल सेन्टर चलाएर ठगी गर्दै आएको आरोपमा प्रहरीले छापा मारेको हो । कल सेन्टरबाट चिनियाँ नागरिक सहित ५० जना पक्राउ परेका छन् ।
ललितपुर महानगरपालिकास्थित एकान्तकुनामा रहेको एक घर भाडामा लिएर अवैध कल सेन्टर चलाइरहेको खबर पाएपछि केन्द्रीय अनुसन्धान ब्युरो (सिआइबी) ले छापा मारेको हो।
५० जनामध्ये दुई जना चिनियाँ नागरिक र एक जना फिलिपिनो नागरिक छन्। थप अनुसन्धान भइरहेको प्रहरीले जानकारी दिएको छ ।
