काठमाडौं । प्रधानमन्त्री केपी शर्मा ओली र मन्त्रीहरुबीच कार्यसम्पादन सम्झौता भएको छ ।
चालु आर्थिक वर्षमा गरिने मुख्य काम र हासिल हुने उपलब्धिका लागि उपप्रधानमन्त्रीद्वय प्रकाशमान सिंह र विष्णु पौडेल तथा मन्त्रीहरूसँग प्रधानमन्त्रीले कार्यसम्पादन सम्झौता गरेका हुन्। यसैगरी प्रधानमन्त्री र नेपाल सरकारका मुख्यसचिव बीच पनि कार्यसम्पादन सम्झौता भएको छ।
‘समृद्ध नेपाल, सुखी नेपाली’को राष्ट्रिय आकाङ्क्षा पूरा गर्न, प्रारम्भ गरिएका पूर्वाधार निर्माण तथा सेवा प्रवाहमा सुधारका कार्यहरू तोकिएको समयमा सम्पन्न गर्न कार्यसम्पादन सम्झौता गरिएको प्रधानमन्त्रीको सचिवालयले जानकारी दिएको छ।
