काठमाडौं । राष्ट्रिय स्वतन्त्र पार्टीले दुईजना उपसभापतिलाई जिम्मेवारी तोकेको छ ।
पार्टी सभापति रवि लामिछाने पक्राउ परेपछि आन्दोलित रास्वपाले आन्दोलनलाई थप शसक्त बनाउन उपसभापतिद्वयलाई जिम्मेवारी तोकेको हो ।
शनिबार बसेको केन्द्रीय समिति बैठकले उपसभापति डीपी अर्यालको नेतृत्वमा सात प्रदेश सभापतिहरू रहने आन्दोलन सञ्चालन मूल समिति गठन गरिएको छ। यस्तै अर्का उपसभापति वाग्लेलाई राजनीतिक नागरिक संवादको जिम्मेवारी दिइएको छ।
आवश्यक उपसमितिहरू गठनको अख्तियारी पनि वाग्ले संयोजकत्वको समितिलाई केन्द्रीय समितिले अधिकार दिएको छ। रास्वपाले स्थगित रहेका जिल्ला भेला, सांगठानिक र पार्टी गतिविधि सञ्चालन गर्ने पनि निर्णय गरेको छ।
