साथै, उनले पाकिस्तानका पूर्वप्रधानमन्त्री युसुफ रजा गिलानीले आफूमाथि जबर्जस्ती गर्न खोजेको गम्भीर आरोप पनि लगाएकी छन् । इस्लामावादमा ऐवान–ए–सदर (पाकिस्तानको राष्ट्रपति निवास)मा गिलानीलाई भेट्दा, गिलानीले आफूलाई जबर्जस्ती गर्न खोजेको उनको आरोप छ ।

ब्लगर सिन्थियाले पूर्वस्वास्थ्यमन्त्री शहाबुद्दीनमाथि पनि जोर जबर्जस्ती गरेको आरोप लगाएकी छन् । शहाबुद्दीन पनि पाकिस्तान पिपुल्स पार्टीकै नेता हुन्। उनले आफ्नो भिडियोमा आफूमाथि भएको यौन हिंसाको बारेमा विस्तारमा जानकारी पनि दिन सक्ने बताएकी छन् । तर भिडियो बालबालिकाहरूले पनि हेर्ने भएकाले सबै कुरा अहिले भन्न नसक्ने उनको भनाइ छ । यद्यपि उनले निष्पक्ष र खोजी पत्रकारहरूलाई यसबारे विस्तारमा जानकारी दिन आफू तयार भएको बताएकी छन् ।

आफ्नो फेसबुक पेजमा उनले लेखेकी छन्, ‘यो घटना पाकिस्तानको राजधानी इस्लामावादको मिनिस्ट्रियल एनक्लेवमा रहेको गृहमन्त्री निवासमा भएको थियो । यो सन् २०११ को घटना हो । त्यही दिन ओसामा विन लादेन अमेरिकी कमाण्डोबाट पाकिस्तानको एबटावादमा मारिएका थिए । मलाई लाग्यो गृहमन्त्रीसँगको भेटवार्ता सायद मेरो भिसाको विषयमा होला । तर मलाई फूल र यस्तो पेय पदार्थ दिइयो, जसमा नशालु औषधि मिसाइएको थियो । म चुप रहेँ किनभने पाकिस्तान पिपुल्स पार्टीको सरकारमा आदिरको थियो र जो आफ्नो गृहमन्त्रीविरुद्ध उत्रिएर मेरो सहयोग गर्न सक्ने । हालै उनीहरूले मेरो परिवारलाई निशाना बनाए ।’