नुवाकोट्।निकै चर्चा बटुलेको नुवाकोटको तारकेश्वर गाउँपालिकाले गरेको शिक्षकहरुको सरुवा गराउने निर्णयविरुद्ध परेको रिट निवेदनमा उच्च अदालत पाटनले आज अन्तरिम आदेशलाई निरन्तरता दिन नपर्ने आदेश सुनाएको छ।
गाँउ पालिकाले शैक्षिक सुधारका लागि भदौं १८ गते गरेको काज सरुवालाई लिएर पिडित १६ जनाले उच्च अदालतमा रिट निवेदन दिएका थिए ।
यस्तै गोविन्द्रप्रसाद नेपालसहित ५ जनाले दायर गरेको रिट निवेदनमा पनि निषेधाज्ञा जारी गर्नुनपर्ने आदेश गरेको छ ।
यो आदेशसँगै पालिका अध्यक्ष शिव अधिकारीले शिक्षकहरुलाई जहाँजहाँ सरुवा गरिएको छ त्यही गएर अध्ययन अध्ययापन गराउन दिएको निर्देशन सोहि बमोजिम कार्यान्वयनमा आउने भएको छ। पालिकाले पहिलो चरणमा ८६ जना शिक्षक काज सरुवा गरेको थियो । त्यसो त उच्च अदालतको निर्णयमा आफुलाइ चित्त नबुझे सर्बोच्च जान पाउने अधिकार भने अझै बाँकि नै छ ।
