०८ जेठ २०८१, मंगलबार

इजरायलमा फेरि युद्द सुरु आक्रमणमा ९ नेपालि घाइते

Facebook
Twitter
WhatsApp

काठमाडौं । सरकारले इजरायल आक्रमणमा परी ९ नेपाली घाइते भएको जनाएको छ । परराष्ट्र मन्त्रालय स्रोतका अनुसार १४ जना कार्यरत रहेको एक फार्ममा भएको आक्रमणमा ९ जना घाइते भएको र दुई जनाको अवस्था गम्भीर रहेको जनाएको छ ।

एक फार्ममा कार्यरत १४ नेपालीमध्ये ९ जना घाइते भएको परराष्ट्र मन्त्रालय स्रोतले जनाएको छ । इजरालयमा रहेको नेपाली दूतावासले नजिकबाट समन्वय गरिरहेको बताइएको छ । त्यहाँस्थित नेपाली दूतावासले इजरायलका अधिकारीहरुसँग सुरक्षा र नेपालीको उद्धारमा पहल गरिरहेको जनाइएको छ ।

घाइतेको उपचारमा सहयोग गर्न पनि आग्रह गरिएको जनाइएको छ । यसैबीच इजरायलमा प्यालेस्टाइनको इस्लामिस्ट समूह हमासको आक्रमणमा शान्ति मिसनमा रहेका नेपाली सैनिक सुरक्षित रहेको नेपाली सेनाले जनाएको छ ।

नेपाली सेनाका प्रवक्ता कृष्णबहादुर भण्डारीले इजरायल र लेवनानको सीमा क्षेत्रमा  नेपालि शान्ति सैनिक भएको स्थानमा अहिलेसम्म कुनै अप्रिय घटना नभएको बताए ।

शान्ति मिसनमा ८७५ जना नेपाली सेना तैनाथ रहेका छन् । प्यालेस्टाइनको इस्लामिस्ट समूह हमासले इजरायलमाथि गरेको कारबाहीमा ४० जना इजरायली नागरिकको मृत्यु भएको अन्तर्राष्ट्रिय सञ्चारमाध्यमले जनाएका छन् ।

Leave a Comment

Your email address will not be published. Required fields are marked *

सम्बन्धित खबर

Edit Content
Scroll to Top