दाङ –अन्य समुदायले भोलि अर्थार्त कार्तिक ७ गते दशैँ मनाए पनि तराइका थारु समुदायले भने आज कार्तिक ६ गते नै दशैँ मनाएका छन्। दाङका थारु समूदायले यसवर्षको बडादसैं आजै कार्तिक ६ गते हर्षोउल्लासका साथ मनाएका छन् ।
बडादसैंको अघिल्नो दिन थारु समूदायले दसैं मनाउने चलन अनुसार दाङका थारुहरुले टिका र जमरा लगाएर मान्यजनबाट आशिर्वाद लिने र आफूभन्दा सानालाई आशिर्वाद दिएर मनाएका छन् ।
थारु समूदायले सोमबार बिहानैदेखि पुजाआजा गर्ने र समुदायको अगुवा बडघर महतवाका घरमा जम्मा भइ नाँच गान गर्दै बेलुकीपख टिका र जमरा लाएर दसैं मनाउने गर्दछन् ।
यसैबीच लुम्बिनी प्रदेशका मूख्यमन्त्री डिल्लीबहादुर चौधरीले तुलसीपुरस्थित निजी निवासमा आफ्नी आमा र दाइबाट टिका ग्रहण गरे भने त्यहाँ जम्मा भएका थारुसमूदायका युवा युवतीहरुलाई पनि टिका लगाइदिएका छन् ।
