नेकपा एमालेका अध्यक्ष केपी शर्मा ओलीले प्रधानमन्त्री दाहाल ‘प्रचण्ड’लाई भेटेर दुर्गा प्रसाईंलाई पक्राउ गर्न आग्रह गरेको भन्ने हल्ला झुटा भएको एमालेले जनाएको छ।
उपमहासचिव प्रदीप ज्ञवालीले शुक्रबार प्रधानमन्त्री प्रचण्ड र एमाले अध्यक्ष ओलीका बीचमा संक्रमणकालीन न्याय टुंगो लगाउने विषय मात्र कुरा भएको बताएका छन्।
‘प्रसाईंका विषयमा कुनै कुरै भएको छैन, यो दुर्गा प्रसाइको प्रचारबाजी मात्र हो,’ अध्यक्ष ओलीको भनाइ उदृत गर्दै ज्ञवालीले भने,‘ एमालेविरूद्ध माओवादीले चलाएको प्रोपोगाण्डा हो। प्रसाईंको हावादारी कुराहरूमा एमाले गम्भीर बनेर प्रधानमन्त्रीलाई आग्रह गर्नुपर्ने स्थितिमा छैन,’ ज्ञवालीले भने।
