काठमाण्डु, ८ मंसिर– विवादास्पद मेडिकल व्यवसायी तथा गणतन्त्रविरोधी दुर्गा प्रसाईंले भक्तपुरस्थित आफ्नै निवासमा सुरक्षाकर्मीले आफूलाई निक्लिन नदिएपछि सर्वोच्च अदालतमा आज शुक्रबार बन्दी प्रत्यक्षीकरणको रिट निवेदन दर्ता गराएका छन् ।
आज सर्वोच्च अदालतका वरिष्ठ अधिवक्ता डा सुरेन्द्र भण्डारीले प्रसाईंको पक्षबाट सर्वोच्च अदालतमा रिट निवेदन दर्ता गराएका हुन् । उक्त रिट निवेदनमाथि आइतबार सुनुवाइ हुने भएको छ ।
बिहीबार राजधानीको बल्खुमा केन्द्रित रहेर विरोध प्रदर्शन आयोजना गरेका प्रसाईंले शुक्रबार तिनकुनेमा प्रदर्शन गर्ने तयारी रहेको थियो तर प्रशासनले त्यसलाई रोकलगाइदियो ।तर, स्थानीय प्रशासनले शुक्रबार तिनकुने क्षेत्रमा प्रदर्शनको अनुमति नदिइएको प्रस्ट पारेसँगै सो क्षेत्रमा ठुलो संख्यामा सुरक्षाकर्मी परिचालन गरी उनका धेरै समर्थकलाई नियन्त्रणमा लिइएको छ।
