काठमाडाैं । नबिल बैंकले किओस्क मेसिनमार्फत चेक क्लियरिङ गर्न सकिने सेवा सञ्चालनमा ल्याएको छ । बैंकले आउटवार्ड क्लियरिङ चेक ग्राहक आफैँले किओस्कमार्फत सोझै सम्बन्धित नबिलको खातामा रकम जम्मा गर्न सक्ने सुविधा ल्याएको हो ।
यो सुविधा सञ्चालनमा आएसँगै ग्राहकले आफ्नो समयअनुकूल कार्यालय समयबाहेकका समयमा पनि विनाझन्झट चेक डिपोजिट गर्न सक्ने बैंकले जनाएको छ । यो सेवाबाट ग्राहकको समयको बचत तथा स्वचालित र स्वस्फूर्त रूपमा कारोबार हुने हुनाले यसबाट आफ्ना ग्राहकहरूले पूर्ण रूपमा लाभ लिने बैंकले विश्वास व्यक्त गरेको छ ।
हाललाई यो सुविधा काठमाडौं उपत्यकामा ६ र उपत्यकाबाहिर चार गरी १० वटा शाखामा उपलब्ध रहेको जनाइएको छ ।
