काठमाडौं । नेपाल राष्ट्र बैंकले चालु वर्षको मौद्रिक नीतिको प्रथम त्रैमासिक समीक्षा आज शुक्रबार सार्वजनिक गर्ने तयारी गरेको छ। राष्ट्र बैंकले करिब १ महिना ढिलो गरी समीक्षा सार्वजनिक गर्न लागेको हो।
राष्ट्र बैंक स्रोतका अनुसार अहिले सञ्चालक समिति (बोर्ड) को बैठक बसिरहेको छ। बैठकको मुख्य अजेन्डा नै मौद्रिक समीक्षा रहेको छ। ‘समीक्षा पारित गर्न सञ्चालक समितिमा छलफल भइरहेको हो’, स्रोतले भन्यो, ‘म्यानेजमेन्ट कमिटीले हिजै समीक्षा पारित गरिसकेको छ।’
मौद्रिक समीक्षा अर्थतन्त्र चलायमान बनाउने गरी आउने राष्ट्र बैंकको एक अधिकारीले बताए। निजी क्षेत्रले उठाएका केही मागहरु सम्बोधन हुने ती अधिकारीले जानकारी दिए।
