नेपाल स्टक एक्सचेन्ज (नेप्से) को अध्यक्ष फेरिएका छन्। अर्थमन्त्री डा प्रकाशशरण महतले शोभाकान्त पौडेललाई नियुक्त गरेका छन् ।
अर्थमन्त्री डा महतले आइतबार मन्त्रिस्तरीय निर्णय गर्दै पौडेललाई नेप्सेको अध्यक्ष नियुक्त गरेका हुन् ।
हाल नेप्से अध्यक्ष रहेका अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा प्रमुख भुपाल बराललाई फिर्ता बोलाउँदै अर्थमन्त्री महतले नेप्सेको अध्यक्षमा पौडेललाई नियुक्त गरेका हुन् ।
पौडेल यसभन्दा पहिले धितोपत्र बोर्डको अध्यक्ष, नेपाल पुनर्बीमा कम्पनीको अध्यक्ष, र तत्कालीन बीमा समितिको सञ्चालक समिति सदस्य भएर काम गरिसकेका छन् ।
