०८ जेठ २०८१, मंगलबार

कोरियन भाषा परीक्षाको आवेदन हालसम्मकै उच्च

Facebook
Twitter
WhatsApp

कोरियन भाषा परीक्षा (इपीएस) को लागि यो पाली अहिलेसम्मकै धेरै आवेदन परेको छ। शुक्रबारसम्मको आबेदनमा एक लाख २५ हजार भन्दा धेरैले फारम भरेको वैदेशिक रोजगार विभागकले जनाएको छ।

यस बर्षको आबेदन पुस २ गतेदेखि हिजो बिहीबार बेलुका १२ बजेसम्मको लागि खुल्ला गरिएको थियो। तिन वर्षयता अनलाइन प्रणालीबाट फारम भर्ने सुविधा आएयताकै उच्च आवेदन परेको इपिएस शाखाले जनाएको छ।

गत साउनमा परीक्षामा अनुत्तीर्ण भएकाले समेत परीक्षा दिन पाउने भएकाले पनि यो पटक संख्या बढेको अनुमान छ ।

गत साउनमा पानी जहाज निर्माणसम्बन्धि कामको लागि इपिएस परीक्षा भएको थियो। यसमा आवेदन दिएर अनुत्तीर्ण भएकाहरूलाई यसपटकको परिक्षामा सामेल नगर्ने गरी आवेदन खुलाइएको थियो। त्यसबेला अनुत्तीर्ण भएका १८ जना उच्च अदालतमा यो निर्णय विरूद्ध गएका थिए। अदालतले सो समय अनुत्तीर्ण भएकाहरूले पनि यसपटकको भाषा परीक्षामा सहभागिता जनाउन पाउने निर्णय गरेको थियो।

रोजगारीका लागि कोरिया जान सबैभन्दा पहिले भाषा परीक्षा पास गर्नुपर्छ। दक्षिण कोरिया सरकारले सन् २०२४ मा नेपालबाट १५ हजार ८ सय ४८ नेपाली रोजगारीका लागि लैजानेछ। जसमा उत्पादनमूलक क्षेत्रमा मात्रै सो संख्यामा आवेदन खुलाएको हो।

Leave a Comment

Your email address will not be published. Required fields are marked *

सम्बन्धित खबर

Edit Content
Scroll to Top