०८ जेठ २०८१, मंगलबार

नुवाकोटका ६ वर्षीय बालक जो झण्डा हेरेर विश्वका सबै देशको नाम भन्न सक्छन

Facebook
Twitter
WhatsApp

काठमाडौँ । नुवाकोट तारकेश्वर गाउपालिका वार्ड नं २ स्थायी निवासी ६ वर्षीय बालक विश्वास अधिकारीले विश्वका सबै देशका नाम झन्डा हेरेरै पहिचान गर्न सक्छन। यति मात्र नभई उनले ती देशमा रहेका टापुहरू समेत सजिलै चिन्न सक्ने उनको परिवारले दाबी गरेको छ ।

आइतबार रिपोर्टर्स क्लब नेपालमा पत्रकार सम्मेलन गरी उनको प्रतिभाबारे जानकारी गराइएको हो । उनकी आमा कल्पना थापा (अधिकारी)ले छोरा विश्वासले आफैँ स्वअध्ययनले ती देशहरूको झन्डा र टापुहरू चिनेको बताइन् ।

अब आफूहरूको लक्ष्य विश्वासको प्रतिभाको सम्मान स्वरूप ‘गिनिज बुक अफ वर्ल्ड रेकर्ड’ मा नाम लेखाउन पहल गर्ने रहेको उनले बताइन् ।
‘हाम्रो लक्ष्य भनेको अब उसको नाम ‘गिनिज बुक अफ वर्ल्ड रेकर्ड’ मा लेखाउने नै हो’ उनले भनिन् ।

विश्वास जोरपाटीस्थित इष्ट पोल स्कुलमा युकेजीमा पढ्छन् । कार्यक्रमकै क्रममा पनि उनलाई विभिन्न देशका झन्डाहरू देखाइएको थियो । उनले ती झन्डाहरू सहजै चिनेका थिए ।

Leave a Comment

Your email address will not be published. Required fields are marked *

सम्बन्धित खबर

Edit Content
Scroll to Top