१४ जेठ २०८१, सोमबार

अब नेपालीले भारतीय सिमकार्ड सजिलै पाउने

Facebook
Twitter
WhatsApp

प्रवास । भारत भ्रमणमा जाने नेपालीलाइ अबदेखि भारतले आफ्नो देशको भारतीय सिमकार्ड सजिलै दिने भएको छ । भारतले कानून संशोधन गरेर नेपाली र भुटानी नागरिकका लागि सहज प्रक्रियाबाट सिमकार्ड उपलब्ध गराउने व्यवस्था गरेको हो।

यसअघि नेपाली र भुटानीलाई पासपोर्टमा भिसाको स्ट्याम्प लागेको आधारमा मात्र भारतीय सिमकार्ड उपलब्ध गराइन्थ्यो ।

तर, अब सम्बन्धित देशको नागरिकता, पासपोर्ट, मतदाता परिचयपत्र तथा ती मुलुकमा रहेका राजदूतावासले उपलब्ध गराएको फोटोसहितको परिचयपत्रमध्ये कुनै एउटा कागजातको आधारमा पनि भारतीय सिमकार्ड उपलब्ध गराइने छ ।

तर त्यस्ता सिमकार्ड तीन महिनासम्म मात्र सक्रिय हुने बताइएको छ । त्यसपछि पनि आवश्यक परे नवीकरण गर्न सकिनेछ।
भारतका लागि नेपाली राजदूत डा.शंकर शर्माले सिमकार्ड उपलब्ध सम्बन्धमा सामाजिक सञ्जाल मार्फत जानकारी गराएका छन्।

 

Leave a Comment

Your email address will not be published. Required fields are marked *

सम्बन्धित खबर

Edit Content
Scroll to Top