नुवाकोट । नुवाकोटको किस्पाङ गाउँपालिका वडा न ५ मा आफ्नै छोराले एक बुवाको हत्या गरेका छन् ।
गाउँपालिका वडा नम्बर ५ पोखरीस्थित आफ्नै घरमा गत शुक्रवार राती १७ वर्षिय छोराले ५५ वर्षीय बुवा भरत बहादुर नेपालिको हत्या गरेको जिल्ला प्रहरी कार्यालय नुवाकोटले जनाएको छ ।
जिल्ला प्रहरी कार्यालय नुवाकोटका डिएसपी खगेन्द्रवहादुर खड्काका अनुसार शनिवार जिल्ला प्रहरी कार्यालयले अभियुत्त छोरालाई पक्राउ गरेको जानकारी दिए । प्रहरीका अनुसार बाउ छोरा बिच भएको बिबाद बढ्दै जाँदा मदिरा सेवन गरेका छोराले ढोकामा लाउने आग्लोले टाउकोमा प्रहार हत्या गरेको बुझिएको छ ।
उनकी श्रीमतिलाई समेत अनुसन्धानका लागि प्रहरीले पक्राउ गरि मुलुकी अपराध संहिता २०७४ ज्यान सम्बन्धि कसूरमा अनुसंधान गर्न जिल्ला अदालत नुवाकोटबाट ५ दिन म्याद लिइ अनुसन्धान थालेको छ ।
मृतक नेपालीको शव त्रिशुली अस्पतालमा पोष्टमार्टम पश्चात आफन्तको जिम्मा लगाइएको छ ।
