०८ जेठ २०८१, मंगलबार

सीआईबी प्रमुख र सुनकाण्डका आरोपी जिबन चलाउने बीच भएको अडियो सम्बाद फेला

Facebook
Twitter
WhatsApp

काठमाडौँ । केहि दिन अघि नेपाल प्रहरीको केन्द्रीय अनुसन्धान ब्युरो (सीआईबी) मा पठाएका एआईजी श्याम ज्ञवाली र अवैध सुन प्रकरणमा मुछिएका जीवन चलाउनेबीच कुराकानी भएको सीडीआर रिपोर्ट फेला परेको छ ।

सन् २०२३ को जुलाई ३ तारिखमा २७ मिनेट कुराकानीमा उनै चलाउनेसँग दुई करोड रुपैयाँ माग्ने र त्यसका लागि पटक पटक कुराकानी गरेको सीडीआर रेकर्ड फेला परेको हो ।

ज्ञवालीले आफू आईजीपी हुनुपर्यो भन्दै चलाउनेसँग पैसा मागेको विषयमा चलाउने स्वयंले पनि भिडियोमार्फत सार्वजनिक गरिसकेका छन् ।

यो विषयमा गत हप्ताको संसदमा नेपालि कांग्रेसले सुन तस्करमा संलग्न भनिएका जीवन चलाउने र सीआईबी प्रमुख श्याम ज्ञवालीका बीचमा दुई करोड लेनदेनको अडियो सार्वजनिक भएको भन्दै उनैलाई ब्युरोको प्रमुख बनाउनु शङ्कास्पद रहेको भन्दै बिरोध उठाएका थियो ।

सुन तस्करीको अनुसन्धानको क्रममा नियतवश प्रमाण नष्ट गरेको भन्दै सरकारले ब्युरोमा रहेकी एआईजी किरण बज्राचार्यको सरुवा गर्दै ज्ञवालीलाई सीआईबीमा ल्याएको थियो ।

उनी प्रहरी महानिरीक्षकको प्रतिस्पर्धामा हुँदा आफूसँग दुई करोड रुपैयाँ मागेको र सो रकम नदिएपछि आफूविरुद्ध लागेको सुन तस्करीका प्रतिवादी रहेका चलाउनेले दाबी गरेका थिए ।

चलाउनेले एउटा भिडियो सार्वजनिक गर्दै व्यवसायी रवि केसीसहित आफूलाई पहिला बालुवाटारमा रहेको एक रेस्टुरेन्टमा बोलाएर पैसा मागेको र पछि घरमै बोलाएर ज्ञवालीले पैसा मागेको दाबी गरेका थिए ।

ज्ञवाली माओवादी केन्द्रको समर्थनमा प्रहरी महानिरीक्षकको प्रतिष्पर्धामा थिए । तर अन्तमा नेपाली कांग्रेसको दबाबमा वसन्त कुँवर प्रहरी महानिरीक्षक नियुक्त भएका थिए ।

Leave a Comment

Your email address will not be published. Required fields are marked *

सम्बन्धित खबर

Edit Content
Scroll to Top