नेकपा (एमाले) नुवाकोटको अध्यक्षमा बद्री मैनाली बिजयी भएका छन् । हिजो(शुक्रबार ) सम्पन्न पार्टीको आठौँ जिल्ला अधिवेशन अन्तर्गत भएको मतदानमा मैनाली पुन: दोस्रो कार्यकालका लागि अध्यक्ष पदमा निर्वाचित भएका हुन् ।
जम्मा खसेको पाँचसय ९२ मतमध्ये मैनालीले तीनसय ४५ मत प्राप्त गरेका थिए । उहाँका प्रत्यासीद्वय बुद्धिबहादुर प्रधानले दुईसय ३७ र माधवप्रसाद तिवारीले जम्मा दश मत प्राप्त गरेका थिए ।
त्यस्तै उपाध्यक्षमा राजेन्द्ररमण खनाल, सचिवमा शिव चित्रकार, उपसचिवद्वय राजेन्द्रप्रकाश पाण्डे र रुपा सापकोटा निर्वाचित हुनुभएको छ ।
अधिवेशनमा विभिन्न ३१ पदमा ८४ जना उम्मेदवार निर्वाचित भएका छन् ।
