काठमाडौं । राष्ट्रिय स्वतन्त्र पार्टीले महामन्त्री डा. मुकुल ढकाललाई महामन्त्रीको पदबाट बर्खास्त गरेको छ । ढकाल अब पार्टीको साधारण सदस्य मात्र रहनेछन् ।
रास्वपाका सहप्रवक्ता मनिष झाका अनुसार आज बसेको पार्टीको केन्द्रीय समिति बैठकले महामन्त्री तथा पार्टी प्रवक्ताबाट बर्खास्त गरि साधारण सदस्य कायम गरिएको जानकारी दिए ।
ढकाललाई साधारण सदस्य समेत नरहने गरी निष्कास गर्न रास्वपाको अनुशासन समितिले सिफारिस गरेपनि केन्द्रिय समितिले उनलाई साधारण सदस्यका रुपमा भने राखेको छ । पार्टीले ढकाललाई पार्टी नीति बिपरित अनुशासन हिन अभिव्यक्ति दिएकोले कारबाही गरेको हो।
