काठमाडौं उपत्यकामा बिक्री हुने पानीको अधिकतम खुद्रा मूल्य समान कायम राख्न सरकारले सूचित गरेको छ।
वाणिज्य, आपूर्ति तथा उपभोक्ता संरक्षण विभागले एक सूचना निकालेर पानी उत्पादक कम्पनीहरूले उही प्रकारका गुणस्तर, नापतौल र परिमाणको पानीमा फरक-फरक एमआरपी लगाई बिक्री-वितरण भएको जानकारी आएकाले एमआरपी समान कायम गर्न निर्देशन दिएको हो।
अब उप्रान्त बढी मूल्य लिएमा विभागले कारबाही गर्ने जनाएको छ।
खासगरी होटल/रेस्टुरेन्ट र व्यवसायी फर्मसँग सम्झौता गरी पानी उत्पादक कम्पनीहरूले अधिक मूल्यको एमआरपी राख्ने गरेका छन्।
विभागका अनुसार काठमाडौं उपत्यकामा बिक्री हुने जार (२० लिटर) को मूल्य प्रतिगोटा अधिकतम ४७ रुपैयाँ तोकिएको छ। एक लिटरको बोतल पानीको मूल्य १६ रुपैयाँ तोकिएको छ।
