काठमाडौं। काठमाडौंको दरबारमार्गस्थित सडक भ्वाङ परेको छ ।
दरबारमार्गबाट काठमाडौं प्लाजातर्फ जाने सडक गएराति सडक एक्कासी भ्वाङ परेको हो । यसैबीच भ्वाङमा खसेर प्रहरी निरीक्षक घाइते भएका छन् । सडक भ्वाङ परेपछि निरीक्षणका लागि पुगेका दरबारमार्गमा कार्यरत् इन्स्पेक्टर भूपेन्द्र बुढाथोकी भ्वाङमा खसेका हुन् ।
घाइते भएका इन्स्पेक्टर बुढाथोकीको टाउकोमा टाँका लगाइएको छ । उक्त सडक टुकुचा खोला छोपेर बनाइएको थियो ।
