नुवाकोटको तारकेश्वर गाउँपालिका वडा नम्बर २ मा रहेको श्री पिमलटार माविको विद्यालय व्यवस्थापन समिति अध्यक्ष नियुक्तिमा विवाद देखिएको छ । विवाद अरु कोहि नभई गाउँपालिका अध्यक्ष र वडाध्यक्षबिचको भएको बुझिएको छ ।
स्थानिएको भनाइ अनुसार विद्यालय व्यवस्थापन समिति सदस्यको बहुमतबाट अध्यक्षमा पुरुषोत्तम नेपाल अध्यक्ष चयन पनि गाउँपालिका अध्यक्ष शिव अधिकारीले सो निर्णय अस्वीकार गर्दै स्थानी अर्जुन श्रेष्ठलाई नियुक्त गरेपछि विवाद चुलिएको हो ।
साउन २३ मा विद्यालय व्यवस्थापन समितिको बैठकबाट कुल ८ मध्ये ६ जना सदस्यले नेपाललाई अध्यक्ष चुनेकोमा पालिका अध्यक्ष शिव अधिकारीले त्यसलाई अस्विकार गर्दा अर्जुन श्रेष्ठलाई अध्यक्ष नियुक्ति दिएको वडा नं २ का अध्यक्ष शिव पनेरुले आफ्नो फेसबुक मार्फत सार्बजनिक गरेका छन् ।
विद्यालय व्यवस्थापन समितिको अध्यक्ष पालिका अध्यक्षले चयन गर्नु शिक्षा ऐन र नियम बिपरित भएको उनको भनाइ छ । तर, अध्यक्ष अधिकारीले भने गाउँ शिक्षा सञ्चालन ऐन अनुसार टेकेर नै पालिकाले निर्णय लिएको बताए ।
