काठमाडौं । राष्ट्रिय स्वतन्त्र पार्टी बागमती प्रदेशको आयोजनामा सम्पन्न दुई दिने विधान संशोधन कार्यशाला क्लोज क्याम्प ले तयार पारेको विधान मस्यौदा हस्तान्तरण गरिएको छ ।
क्लोज क्याम्पमा बागमती प्रदेशका १२१ वटै पालिकाबाट आएका पार्टी सदस्यहरूबीचको छलफलबाट निकालिएको निष्कर्ष र सञ्चार माध्यमको प्रयोग गरी पठाइएको सुझावहरू समेटेर तयार पारिएको हो ।
विधान संशोधन मस्यौदा बागमती प्रदेश मस्यौदा संकलन कार्यदलका संयोजक तथा प्रदेश सभापति डा. अचुतम लामिछानेले पार्टी बिधान मस्यौदा केन्द्रीय कार्यदलका सचिव गणेश कार्कीलाई हस्तान्तरण गरेका हुन्
