काठमाडौं । भक्तपुरको गठ्ठाघर तनावग्रस्त बनेको छ ।
ट्राफिक चेकजाँचमा रोकिएको स्कुटरलाई पछाडिबाट ट्रकले ठक्कर दिँदा एकजना महिलाको मृत्यु भएपछि स्थिति तनावग्रस्त बनेको हो । ट्रकले ट्राफिककै सामुन्ने रोकिएको स्कुटरलाई ठक्कर दिएको थियो ।
घटनापछि स्थानीयले ट्रकमा आगजनी गर्नुका साथै प्रहरीमाथि ढुंगामुढा गरेका छन् । ट्राफिक प्रहरीले चेकिङ गरिरहेका बेला रोकिराखेको बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएको थियो ।
ट्रकको ठक्करबाट स्कुटर केही मिटर परसम्म घिसारिएको थियो । मृतक महिलाको पहिचान खुलेको छैन ।
