काठमाडौं । गएरातिदेखि प्रधानमन्त्री केपी शर्मा ओलीलाई फेसबुक पेजमा अनफलो गर्ने अभियान चलिरहेको छ ।
काठमाडौं महानगरपालिकाका मेयर बोलन साह र ओलीबीच टक्कर बढिरहँदा युवाहरूले ओलीलाई अनफलो गर्ने अभियान चलाएका हुन् । यो समाचार तयार पार्दासम्म ६५ हजार बढीले ओलीलाई अनफलो गरिसकेका छन् ।
बालेनले एमाले सांसद रेखा शर्मालाई पक्राउ गर्न माग गर्दै फेसबुकमा स्टाटस लेखेका थिए । बालेनको उक्त स्टाटसपछि एमालेका नेता कार्यकर्ता बालेनविरूद्व खनिएका थिए । यस्तै एमाले र बालेनबीच नदी किनारामा २० मिटर छोड्नुपर्ने निर्णयमा पनि टकराव परिरहेको छ ।
मेयर बालेनले सांसद शर्माविरूद्व लेखेको स्टाटस डिलिट भएपछि बालेन आक्रोशित हुँदै अर्को स्टाटस लेखेका थिए । बालेनले ‘पोष्ट हटाउने होइन, दोषीलाई करावाही गर्नुपर्यो’ भन्ने पोष्ट गरेका थिए ।
उक्त पोष्टपछि ओलीविरूद्व अनफलो अभियान चलेको हो ।
