नुवाकोट । नुवाकोटको लिखु गाउँपालिकास्थित एक घरमा लुटपाट भएको छ ।
गत विहीबार दिउँसो साढे दुई बजे लिखु गाउँपालिका वडा नम्बर १ स्थित सेरामा गाकर्ण प्रसाद कँडेलको घरमा लुटपाट भएको हो । कँडेल श्री नारायणदेबि माध्यमिक विद्यालय थामी चौरका शिक्षक हुन् । कँडलको घरबाट नगद आठहजार सहित गरगहना चोरी भएको बताइएको छ ।
कँडेलकी श्रीमती सुशीला कँडेल माइती जाने तयारी गरिरहेको बेला चोरले पछाडिबाट लुटपाट गरेर फरार भएको हो । कँडेलकी पत्नी शुसीला पनि शिक्षिका हुन् । उनी आर्किड एकेडेमीमा अध्यापन गराउँछिन् ।
चोरले नगद आँठी, तिलहरी लगायतका गरगहना लुटेर पछाडिबाट हामफालेको पीडित शुसिला कँडेलले बताउनु भयो।
