झापा । पूजाको प्रसाद खाँदा झापाको अर्जुनधारा नगरपालिकामा ६० जना बिरामी परेका छन् ।
अर्जुनधारा नगरपालिका–९ को खरबन्दीमा स्थानीय रीता निरौलाकोमा बुधबार पूजा लगाइएको थियो। पूजामा ६० जनाभन्दा धेरैले प्रसाद खाएका थिए।
प्रसाद खाने सबै बिरामी परेका हुन्। पूजा घरमा पुगेर प्रसाद खाने धेरै बिरामी छन्। घरमा ल्याएको प्रसाद खाने पनि बिरामी भएका छन्।
अर्जुनधारा नगरपालिका–९ का वडा अध्यक्ष भीष्म मिश्रका अनुसार गाउँका स्थानीय र पूजाका लागि पाहुना आएका आफन्त गरी ५५–६० जना बिरामी भएका छन्। बिरामीको स्थानीय क्लिनिकमा उपचार भइरहेको छ।
पूजामा प्रसाद खाएको केही समयपछि सबैलाई झाडावान्ता भएको थियो। ज्वरो पनि आएको छ।
