नुवाकोट । नुवाकोट लगायत छिमेकी जिल्लाका जनतालाई होटल वाटर टावरले विशेष छुट दिने भएको छ । होटलले नुवाकोट र रसुवा लगायतका छिमेकी जिल्लाका सर्वसाधारणलाई खाना तथा पेय पदार्थमा २० प्रतिशत छुट दिने भएको हो ।
हिम–नदी पर्यटन सहकारी संस्था लिमिटेडको ११ औ वार्षिक साधारणसभाको निर्णय अनुसार होटलले नुवाकोट तथा छिमेकी जिल्लाका स्थानीयहरुलाई होटलमा विभिन्न किसिमको छुट तथा सुविधा प्रदान गर्ने निर्णय गरेको हो ।
त्यस्तै होटलले कोठा बुकिङमा नुवाकोट र रसुवाका जनताहरुलाई २५ प्रतिशत छुट दिने व्यवस्था मिलाइएको हिम–नदी पर्यटन सहकारीका संस्थाका अध्यक्ष कसुमकुमार कार्कीले जानकारी दिए ।
तत्कालको लागि होटलले छुट सदस्यता कार्ड प्रदान गर्ने र पछि डिजिटल प्रविधिको प्रयोगबाट छुट सविधा दिने सिदार्थ होटल वाटर टावर बट्टारका म्यानेजर मनिक हुमागाईले बताए । छुट सुविधा २०८१ पौष मसान्तसम्म लागु हुनेछ।
