पोखरा । राष्ट्रिय स्वतन्त्र पार्टीका नेताहरूले पोखराका गाउँगाउँमा गएर सहकारी प्रकरणबारे जनतालाई बुझाउन थालेका छन् ।
पार्टी सभापति रवि लामिछानेलाई प्रतिशोधपूर्ण भावनाले पक्राउ गरिएको भन्दै आन्दोलित बनेको रास्वपाले प्रकरणबारे जनतालाई घरघरमै पुगेर बुझाउन थालेको हो ।
रास्वपाले गरिरहेको शान्तिपूर्ण आन्दोलनमा सत्ताधारी दलबाट घुसपैठ भइरहेको रास्वपाले बताएको छ । लामिछानेको बचाउमा देशका विभिन्न स्थानबाट नेता कार्यकर्ता स्वतस्फूर्त रूपले पोखरा पुगिरहेका छन् ।
