काठमाण्डौ । आज ४६औँ विश्व पर्यटन दिवस मनाइदैछ ।
नेपालमा पनि विभिन्न कार्यक्रम गरी ४६औँ विश्व पर्यटन दिवस मनाइँदैछ ।
हरेक वर्ष सेप्टेम्बर २७ तारिखमा विश्व पर्यटन दिवस मनाउने गरिन्छ । यसवर्ष दिवसको नारा ‘पर्यटन र दिगो रुपान्तरण’ रहेको छ । सेप्टेम्बर महिनालाई पर्यटकीय सिजन शुरुआतका रुपमा लिने गरिन्छ ।
तर नेपाल आउने विदेशी पर्यटकको संख्या मुख्य सिजनमा नै घटेको छ ।
सेप्टेम्बर एक देखि १८ तारिखसम्मको अवधिमा गएको वर्षको तुलनामा झन्डै आठ हजारले घटेको अध्यागमन विभागले जनाइको छ ।
अघिल्लो वर्ष यो अवधिमा झण्डै ३५ हजार पर्यटक नेपाल घुम्न आएका थिए । यसपाली २७ हजार हाराहारी रहेको छ ।
पछिल्लो जेन–जी आन्दोलनको असर पर्यटन क्षेत्रमा पनि परेको छ । होटल प्रतिष्ठानलगायतमा भएको आगजनी, तोडफोड र लुटपाटबाट पर्यटन क्षेत्र प्रभावित भएको हो ।
विगतको भूकम्प, नाकाबन्दी, कोरोना महामारीलगायतले शिथिल बनेको पर्यटन क्षेत्र विस्तारै पुरानै लयमा फर्किन क्रममा थियो । तर पछिल्लो विषम अवस्थाले पर्यटन क्षेत्रमा पनि प्रभाव पारेको छ ।
अब फेरि पर्यटन क्षेत्रलाई उठाउने सरोकारवालाले जनाएका छन् । नेपाल पर्यटन बोर्डका प्रमुख कार्यकारी अधिकृत ९सीईओ० दीपकराज जोशीले नेपालको पर्यटन पुनःरूत्थानका लागि पहल थालिएको बताउनुभयो ।
होटल सङ्घका अध्यक्ष विनायक शाहले सबै सरोकारवाला एकताबद्ध भएर पर्यटन पुनःरूत्थानको प्रक्रियालाई अगाडि बढाउनुपर्नेमा जोड दिनुभएको छ ।
यसका लागि सकारात्मक सन्देश प्रबाह गर्न आवश्यक रहेको उहाँको भनाइ छ । प्यासिफिक एशिया ट्राभल एसोसिएसन नेपाल च्याप्टरका महासचिव नरेन्द्रदेव भट्टले नेपालको पर्यटन छिट्टै पुनःरूत्थान हुने विश्वास व्यक्त गर्नुभयो ।
