काठमाण्डौ । माध्यमिक शिक्षा परीक्षा एसईई पूरक परीक्षाको नतिजा सार्वजनिक भएको छ ।
आज माध्यमिक शिक्षा परीक्षा एसईई पूरक परीक्षाको नतिजा सार्वजनिक गरेको हो ।
राष्ट्रिय परीक्षा बोर्डले बिहान प्रकाशित गरेको नतिजा अनुसार ८३ हजार पाँच सय ६४ जना परीक्षार्थी उत्तीर्ण अर्थात् ग्रेडेड भएका छन् ।
यस्तै परीक्षामा सहभागी भएका एक लाख ४३ हजार दुई सय ५७ परीक्षार्थीमध्ये ५९ हजार ६ सय ९३ जना अनुत्तीर्ण अर्थात् अवर्गीकृत भएका बोर्डका अध्यक्ष डा. महाश्रम शर्माले जानकारी दिनुभयो ।
एसईईको पूरक परीक्षा गएको साउन २९ देखि भदौ ६ गतेसम्म चलेको थियो ।
