काठमाडौं १७। राष्ट्रिय स्वतन्त्र पार्टी केन्द्रिय पर्यटन तथा संस्कृति बिभाग प्रमुख सुमन बिक्रम पाण्डे र पर्यटन मन्त्री खड्क राज पौडेल (गनेस) बिच भेटघाट सम्पन्न भएको छ । भेटमा नेपालको पर्यटन क्षेत्रलाई समग्र रूपमा सुदृढ र प्रतिस्पर्धी बनाउने उद्देश्यसहित मन्त्री पौडेल र पर्यटन क्षेत्र आबद्ध सरोकारवालाबीच विस्तृत छलफल भएको छ ।
पर्यटन क्षेत्रमा आबद्ध विभिन्न व्यवसायीको उपस्थित रहेको छलफललाई राष्ट्रिय स्वतन्त्र पार्टीको केन्द्रीय पर्यटन विभागले समन्वय गरेको थियो । रास्वपाको तर्फबाट विभाग प्रमुख सुमन पाण्डे, विभागका बागमती प्रदेश प्रमुख लक्ष्मण सिटौला बिभाग का सदस्य निरोज कर्माचार्य , र सितल चन्द्र धरेल लगाएतको उपस्तिथि थियो ।
छलफलमा पोखरा र भैरहवा अन्तर्राष्ट्रिय विमानस्थललाई कसरी पूर्ण रूपमा सञ्चालनमा ल्याउने भन्ने विषयमा छलफल केन्द्रित बनेको सहभागी पाण्डेले जानकारी दिए । उनका अनुसार दुई मुख्य अन्तर्राष्ट्रिय विमानस्थललाई पूर्ण सञ्चालनमा ल्याउन सकेमा पर्यटन क्षेत्रलाई थप मजबुत बनाउने सकिने राय सहभागीहरूले दिएका छन् ।
सँगै, नेपाल वायुसेवा निगमको सुदृढीकरणको सन्दर्भमा पनि सहभागीहरूले सुझाव दिएको उनले बताए । पर्यटन क्षेत्रमा डिजिटल प्रवर्द्धनलाई प्रभावकारी बनाउने, सामाजिक सञ्जाल, वेबसाइट र अनलाइन मार्केटिङमार्फत अन्तर्राष्ट्रिय बजारमा नेपालको पहुँच विस्तार गर्ने योजना पनि छलफलमा उठाईएको थियो।
