नुवाकोट । नुवाकोटको पञ्चकन्या गाउँपालिकामा एक बृद्धा महिलाको हत्या भएको छ । उक्त घटना वडा नं ३ मा घटेको हो।
हत्याको आरोपमा प्रहरीले गाउँपालिका वडा नम्बर ३ तीनघरेका एक जनालाई पक्राउ गरेको छ । मंगलबार स्थानीय ७१ वर्षीया नुरकुमारी थापाको हत्या गरेको आरोपमा सोही वडाका २७ वर्षीय श्यामबहादुर तामाङलाई पक्राउ गरिएको जिल्ला प्रहरी कार्यालय नुवाकोटका प्रमुख तथा एसपी सञ्जयसिंह थापाले बताए ।
दसैं मान्न पैसा माग्दा नदिएपछि श्यामबहादुरले नुरकुमारीको हत्या गरेको प्रहरीको अनुसन्धानबाट खुल्न आएको छ।
नुरकुमारीले पैसा नदिएपछि श्यामबहादुरले खुकुरीले टाउकोमा हानेको बयानमा बताएको प्रहरीले जनाएको छ । श्याम बहादुरलाई प्रहरीले शुक्रबार अदालतबाट १५ दिनको म्याद थप गरेर अनुसन्धान प्रक्रिया अगाडि बढाएको छ
