काठमाडौं । भारतको उत्तराखण्डस्थित केदारनाथमा चारजना नेपालीको मृत्यु भएको छ ।
भारतमा रहेर मजदुरी गर्दै आएका चारजनाको पहिरोमा पुरिएर मृत्यु भएको हो । रुद्रप्रयागमा शुक्रबार भारी वर्षापछि फाँटा हेलिप्याड नजिकै भग्नावशेषमा उनीहरू फसेका भारतीय सञ्चारमाध्यमले जानकारी दिएको छ ।
बिहान करिब साढे १ बजे घटनाको जानकारी पाएपछि उद्वार टोलीले घटनास्थलमा पुगेर चारैजनाको शव निकालेको हो । मृत्यु हुनेहरूमा तुल बहादुर, पूर्ण नेपाली, किशन परियार र चीकु बोहरा रहेका छन् ।
